TOP Jubileum Proclamatie CV de Droepnaze!
In een goot gevuld Dörpshoes höbbe aafgelaupe 26-11 de jubileumproclamaties van Voasje plaatsjgevonge.
Bie de jeugd woert aafgetrapt mit de finale van “Voasje got Talent”. Noa een zinderende show woe juryleden Paula v/d Broek en “de Kuusj” een bienoa onmeugelijke taak houwe, woerte oeteindelijk 3 winnaars gekreund!
1- Lyah & Lana – Live zang: Hearthbeat
2. Jordy – Playback – Mart Hoogkamer “Ik ga zwemmen…”
3. Cas – Live Vioolspel
Tussche de priesoetreiking doer woerte jeugdprins Jordy I en jeugdprinses Tess I oet de droepnazeput getauverd! En noa ut aanbringe van de verseersele en ut veurleaze van de proclamatie koos ut paar de iersjte polonaise aanveure! Dees lange stoet van toeschouwersj en de jeugdroad van ut Beumerwald, woar un waar lust veur elk vasteloavesaug!
Jody I en Tess I nogmaals proficiat en geneet d’r van!
Route 66
’s oaves koaze de droepnaze veur de route 66 om de herinneringe aan 66 jaor Droepnaze truuk te hoale. Ut woar een multimediaspektakel mit herkenningspunte veur jeker generatie! As litste koam veurzitter Michael mit de vermeende prins noa binne gereeje. Helaas bleek dit echter neet de jubileumprins van de Droepnaze mer gooj bekinde Davy Simeon… deh zich inne in Voasje koam drinke. Michael woert truukgestuurd en oeteindelijk koam hea saame mit de road van 11 mit de Droepnazeput noa binne. Zou hea hie dan wahl inzitte? President Armand tilde saame mit de veule aanwezige truuk van 11 noa 0 en mit veul confetti en gejuich sprong hea oet de put… Prins Marc II, 6×11 jubileum prins van de Droepnaze!
Noa de plichtpleginge van Marc koos hea eindelijk beginne aan zien eupeningsdans. Un eupeningsdans opgeloesterd doer neemus minder dan Big Benny! Weh kin dat nog zigge? De kop woar d’r noa 2 lange Coronajoare eindelijk vanaaf! Samen mit de luuj van Voasje en umstreeke en os vrung oet ut Nachuuleriek en Beumerwald woert de dansvloer van ut nuuje dörpshoes oetgetest. Un test dea hea mit glans doerstange haat.
De vasteloavend in Voasje is geëupend en sjmak noa mier!
